ਕਦੇ ਬਰਫਾਂ ਦਾ ਪਾਣੀ ਕਦੇ ਅੱਗ ਵਰਗਾ
ਦੀਦਾਰ ਤੇਰਾ ਲੱਗੇ ਯਾਰ ਰੱਬ ਵਰਗਾ
ਜਗ ਭਾਵੇਂ ਰਹੇ ਹੋਰ ਲੱਖ ਵਸਦਾ
ਇਕ ਤੂੰ ਹੀ ਲੱਗੇਂ ਸਾਰੇ ਜੱਗ ਵਰਗਾ
ਚੁੱਕ ਚੁੱਕ ਅੱਡੀਆਂ ਮੈਂ ਦੇਖਾਂ ਉੱਤੇ ਨੁੰ
ਕਿਤੋਂ ਪੈਂਦਾ ਜੇ ਭੁਲੇਖਾ ਤੇਰੀ ਪੱਗ ਵਰਗਾ
ਪਿਆਰ ਤੇਰਾ ਦੇਖ ਕੇ ਮੈਂ ਡਰਾਂ ਸੱਜਣਾ
ਕੋਈ ਦੇਖ ਨਾ ਲਵੇ ਚੋਰ ਠੱਗ ਵਰਗਾ
ਬੰਦੇ ਭਾਵੇਂ ਹੋਰ ਵੀ ਨੇ ਮਾੜੇ ਜੱਗ ਤੇ
ਮਾੜਾ ਨਹੀਂ ਹੁੰਦਾ ਪਰ ਲਾਈ ਲੱਗ ਵਰਗਾ
ਦਿਲਾਂ ਵਾਲੀ ਸਾਂਝ ਦੀ ਕਮਾਲ ਹੋ ਗਈ
ਪਿਆਰ ਦੀ ਤਾਂ ਲੱਗੇ ਸ਼ਮੀ ਹੱਦ ਵਰਗਾ
( ਸਰਕਾਰੀ ਕਾਲਜ ਤਲਵਾੜਾ ਤੇ ਮੈਗਜੀਨ ਹਿਮਵਾਕ ਦੇ 1992-93 ਅੰਕ ਪ੍ਰਕਾਸ਼ਿਤ )
No comments:
Post a Comment